زوجي الوسيم .. الشاذ .. قصه حقيقيه..

زوجي الوسيم .. الشاذ .. قصه حقيقيه.. للنقاش ..




1431-10-6

كنت ارسم احلامي .. واضع الخطط تلو الخطط لمستقبلي .. فعندما جئت لمسأله الزواج اقسمت ان لا اتزوج الا بشاب وسيم ..
كان لا يمضي الاسبوع او الاسبوعين الا بتقدم خاطب او خاطبين . وكنت ارفض حينما يكون المتقدم غير وسيم

.. فكان منهم الشاب الكفوء الذي يرفض من قبل اهلي لانه من قبيله اخرى او من غير قبيله .. ويأتي الاخر ذي الشهادات العلى .. فأرفض بعد النظره الشرعيه لانه لا يحمل ذاك القدر من الوسامه التي اريدها .. فمن الصعب علي ان اقبل بغير الوسيم الذي اتمناه .. وأنا جميله ..

كنت احسد الممثلات على ازواجهم وكان لا يفوتني مسلسل يتحدث عن الحب والغرام وكنت مغرمه بالمسلسلات .. ووسامه ابطالها .. فتمنيت ان لا توجد بيننا اعراف وتقاليد لكي اتزوج من اشاء ..

----------------
1432-1-4
----------------

حل العام الـ 25 على حياتي فحملته وكنت ارى تململ والدتي من رفضي .. للخطاب وكنت اتحجج بعدم الراحه.. ومرات بعد تكافوء العمر .. ومرات لانه ليس ابيض البشره .. ومرات ومرات ومرات ..

.كانت احسد صديقتي الملتزمه العاديه الشكل ..التي تركتها بعد زواجها من زوجها الوسيم .. كنت اتحجج الانشغال حينما تتصل بي .. وكنت احترق من داخلي ..
بعد عده مكالمات اكتشفت انني لم اعد اكترث بها . فلم تتصل بي مره اخرى ..

تقدم الي ذات يوم عن طريق خاطبه شاب وسيم .. ولكنه ملتزم .. كانت سمعته تسبقه .. فهو يحمل درجه الماجستير في الدعوه وعمره لم يتجاوز ال 26 ويكمل الدكتوراه .. وصاحب خلق وأدب ولكن جسمه ليس رياضي .

كان كالحجه علي .. عند اهلي .. فهو رجل وسيم ومتعلم .. بل يفوقني علما ..اتصلت على صاحبتي .. اشاورها ..

فقالت لي : والله ان يعقدك بكل شي يعني تخيلي لو يقول لك لا تلبسي قصير او يقول لك البسي عبايه فوق الراس زي العجايز .. او اقلها .. يحشرك بقنوات المجد الممله وقنوات الفلك .. يعني مسلسلات مافيه وام بي سي 4 وافلام مافيه .. وش هالحياه .. ياشيخه خذي لك واحد متفتح .. يخليك تلبسي على كيفيك ولا يتحكم فيك ..واخذت تذكر لي قصه قريبتها اللي تزوجت من ملتزم .. وكيف كان ملتزم بالاسم ..

سألت أمي : ا ش شروطه .. لا يكون معقد, قالت : الرجال ماشرط شيء على كلام الخطابه. قلت طيب .
الحين بيقول تلفزيون مافيه وقنوات مافيه .. وراح يتحكم بلبسي .. لا تلبسين قصير ولا تلبسين احمر ولا تلبسين اصفر .. قالت: لا تستعجلين .. خلينا نسأله ونشوف ..

اليوم الثاني .. نزلت عند امي بالصاله .وقلت : هاه يمه وش قالت الخطابه .. قالت والله يابنتي الرجال يقول : انا امشي حسب شرع الله اللي يوافق الشرع امشي معه واللي يخالفه اوقف عنده .

.. قلت : الله يوفقه يا يمه انا استخرت ومارتحت ..
امي كأنها زعلت .. وابوي كذلك .. لكنه قال يابنتي الرجال سألنا عنه رجال ونعم فيه .. مايعيبه شي .. وانا مابي اجبرك على شي . فكري واستخيري مره ثانيه
قلت : خير ان شاء الله ..

جاء اليوم الثالث .. وقلت لامي شوفي قولي للخطابه اذا هو بيمنعني من لبس القصير.او المسلسلات او صديقاتي .. او النت .. الله يوفقه .. قالت امي : والله بكيفك .. انا باقول للخطابه .. خذت جوالها وكلمتها قدامي
واسمع امي تقول لها : يا أم خالد .. انتي تعرفين بنات هالجيل .. الله يهديهم .. اسمعي ... اسمعي .. انتي قولي له هم ان شاء الله موافقين عليك .. بس هذي شروط البنت .. وشوفي وش يقول لك وردي لنا.

اليوم الثاني اتصلت امي على الخطابه وحطته عالسبيكر عشان اسمع ..وقالت : مارديتي علينا .. يا أم خالد قالت : والله الرجال كلمته وكأنه تضايق وقال :
متى صار شرع الله شي يضيق منه الانسان .. الدين يسر ولا هو عسر .. وقال : اذا الله وفق راح اجيب لها القنوات الاسلاميه والمحافظه والوثائقيه ..قنوات افلام وقنوات اغاني حرام .. اللبس تلبس اللي تبي في بيتها .. لكن قدام الناس تلبس المتعارف عليه واللي مايخدش الحياء ولا فيه شي محرم .. النت ماراح امنعها منه ولا صديقاتها اذا كانوا محترمات .. اذا وافقت زين على زين ولا الله يوفقها ..
طلعت لغرفتي وكلمت صديقه عمري طيف ..قلت :

والله انك صادقه ياطيف الناس هذي معقده الناس تتقدم وتتحضر وهم يرجعون ورى .. قالت : ماقلت لك ولله اني حاسه ومتوقعه .. ياشيخه خليه يروح ياخذ له وحده معقده مثله .. وافتكي منه ..

------
1432-11-10
--------

- اليوم هو اليوم الرابع على طلاقي .. نعم .. اعض اصابع الندم .. وابكي وانا اكتب لكم هذه السطور تزوجت بشاب وسيم .. متفتح ومتحرر كما يقال .. كانوا يحسدوني عليه .. لوسامته وطوله ورشاقه جسمه
لم يمنعني من شي فكنت البس اللي ابغى البسه .. وكان بعض اقاربي ينتقدون لبسي .. وامي اللي تتعذب المسكينه لانهم يقولون لها وينتقدونها .. حتى ان عمي رفض اني ازوره اذا انا لابسه قصير ..

كان زوجي .. يقول ماعليك منهم وكان يرفع معنوياتي ويقول مع احترامي لهم هذول متخلفين.. وش دخلهم وش تلبسين ..

كنت أعتقد اني حره ولكني مسجونه من داخلي ..

مع العيشه اللي الكل يحسدني عليها والنعيم اللي عايشته مع زوجي الا اني كنت بعيده عن ربي

قبل الزواج كنت اصلي الفروض وبعد الزواج صرت مرات اصلي ومرات لا .. لان زوجي ماهو حريص على الصلاه . ولا كان يعينني عليها .

كانت حياتي مع زوجي .. في بداياتها مثل الحلم .. وكان زوجي .. اول اسبوعين من الزواج يؤدي حقه الشرعي .. كل يوم ثم بدأت تقل رغبته .. الى مرتين بالاسبوع ثم ..الى مره كل 3 اسابيع .. كنت احسب هذا الشيء طبيعي ..

بعد شهرين شكيت انه مايحبني او انه بعلاقه مع احد وكنت ناويه اتجسس عليه ولكني تراجعت .. واستبعدت هذا الشي ..

قلت يمكن التقصير مني انا ... فصرت اتجمل وأتأنق وارغبه بنفسي .. وكنت اخجل اطلبه .. وماكان يأثر فيه كثير .

بعد 5 اشهر من الزواج .. زاد شكي انه على علاقه محرمه مع احد غيري ..

فتجسست على إيميله لكي أتاكد ولا أظلمه، فوجدت جميع المضافين عنده بالماسنجر اولاد، فحسبت انهم اصدقائه حتى فتحت على أحد المحادثات وقرأتها ..

ففجعت من الصدمه ..
وبكيت مما قرأت

.. لقد كان يتواعد مع ولد لكي يفعل فيه .. !

قلت في نفسي منكره : يمكن إنه يضحك عليه، أو يحب الاستهبال فكذبت نفسي ... وأغلقت المحادثه

بعد يومين ذهبنا للسوق واثناء خروجنا .. رأينا احد الشواذ في سوق بشمال الرياض ممن يضعون الميك اب . فانتظرت حتى ركبنا السياره .. وفتحت الموضوع . واخذت اسب فيه وفيمن رباه ووين اهله عنه ..

وكنت اقول والله انه اهون عندي اشوف علاقه محرمه شاب مع بنت ولا اشوف شاب مع شاب او بنت مع بنت ..
كنت اتوقع رده فعل زوجي من كلامي قويه لكنها كانت بارده .. حتى انه صار يغير الموضوع ..

.. فصرت افرك يدي .. من غير شعور .. وخفت ان يكون ماقرأته صحيح .. فعزمت ان اقرأ واتجسس عليه مره ثانيه اذا راح للعمل ..

فتحت محادثة أخرى له جديده مع شاب آخر ،
فكانت كالصاعقة ؛ كلام بذيء قذر بالتفصيل ..فانهرت وأصبحت شكوكي بمحلها بكل تأكيد ، وصار من النوع الذي يحب، أن يُفعل فيه.. وتأكدت من ذلك بعدما فتشت جواله وايميله .. فواجهته فاعترف ..
انهرت .. وبكيت دم وندم حين لا ينفع الندم واخذت استرجع الايام وكيف تنازلت عن اشياء مقابل شكل .. كيف حسدت وتركت صديقتي الملتزمه لانها عاديه الشكل وتزوجت من وسيم .

كيف صديقتي طيف الكذابه تزوجت بالدكتور عبدالله .. الملتزم اللي تقدم لي بعد ان كلمت الخطابه عنه من دون علمي وهي اللي كانت تنصحني ابعد عن المحافظين والملتزمين .. أو ( المعقدين والرجعيين ) كما تقول.

كيف باعيش الان
ومن بيرضى فيني وبطفلي الذي لم يولد.
وانا مصابه بالايدز من
طليقي الوسيم الشاذ ..
------------------------
-قصه حقيقيه تدور في عدة محاور اضفت اليها بعض الاضافات الغير مؤثره على لب القصه .

مشكووررر

يعطيك العافيه